[吹水] 對付電話行銷

看板HKMCantonese (廣東語)作者wongjim (逍遙公子)時間16年前 (2009/03/25 19:29)推噓8(8推 0噓 2→)

留言10則, 9人參與討論串1/1

Case 1 A:「喂﹖」 B:「你好先生，我叫xxx，係Sxxday打來嘅，先生你係唔係9xxx-xxxx o既機主﹖」 A:「係，想點﹖」 B:「冇，我想同你介紹一個最新o既優惠計劃，月費加$30就可以發一百個短訊…（下刪字若干），你有冇興趣join﹖」 A:「哦，sorry，冇。」 B:「點解呀﹖3毫子1個，比你宜家o既平好多呢。」 A:「sorry，真係唔需要。」 B:「真係個好優惠，可以幫你慳錢呢，點解唔要呀﹖」 A:「點解﹖因為我有錢。」 B:「……」三秒後電話掛斷。（到宜家依然為一句「我有錢」而感到興奮） Case 2 A:「喂﹖」 B:「你好先生，我叫xxx，係Sxxrtone打來o既，先生你係唔係9xxx-xxxxo既機主﹖」 A:「唔係。」 B:「……」呆左3秒「咁請問你係咪長期使用9xxx-xxxx呢﹖」 A:「唔係。」（講大話） B:「……」又呆3秒「咁好丫，唔該晒。」 Case 3 BuffetClub打o黎，賣咩10幾間酒店食餐membership A:「你好先生，我地有BuffetClub個promotion，以後你去酒店食飯，係member，全部半價…」 B:「我唔出街食飯個喎。」 A:「唔係喎，如果你同朋友去食飯，用一次依個service，已經抵返。」 B:「我冇朋友o既。」 A:「……」dead air左一陣「哦，咁好呀，唔該你。」 Case 4 A:「喂﹖」 B:「先生你好，我叫xxx，係abc（某推銷公司）打來，先生請問你係咪9xxx-xxxx既機主 ﹖」 A:「係。」 B:「我想同你介紹一個最新o既優惠計劃，唔駛錢就可以享用某某優惠三個月…（下刪數百字），你有冇興趣參加﹖」 A:「哦﹖sorry，冇。」 B:「唔係喎，唔駛錢喎，點解唔要﹖」 A:「對唔住，我真係唔需要。」 B:「真係唔駛錢喎，唔如你試下先丫。」 A:「唔駛錢我就要用，你當我乞兒呀﹖」 B:「……」電話即時cut線。 Case 5 A:「你好，我叫xxx，係XYZ（某推銷公司）打來，先生請問你係咪9xxx-xxxx既機主﹖」 B:「Sorry，我向大陸。」 A:「哦，唔好意思，咁我遲d再打過黎丫，先生你通常幾時向香港﹖」 B:「Sorry，我呢世都向大陸。」「……」電話掛斷。 Case6 A:「喂﹖」 B:「你好先生，我叫xxx，係Sxxday打來，先生你係否9xxx-xxxxo既機主﹖」 A:「係，點﹖」 B:「冇，我想同你介紹一個最新o既優惠計劃，月費加$30就可以發一百個短訊…（下刪字若干），你有冇興趣join﹖」 A:「哦，sorry，我而加唔得閒，唔如你俾你手提電話號碼我，我遲d打翻俾你啦。」 B:「喔，sorry，我地唔可以咁做。」 A:「你都唔鍾意d人亂打電話俾你掛?係唔係?」 B:「喔，係，喔。」 A:「咁你明我意思啦。」 B:（收線） -- ※ 發信站: 批踢踢實業坊(ptt.cc) ◆ From: 220.135.99.65