講台語e原住民

看板TW-language (臺語板)作者TWkid (Tai-uan Gin-a)時間19年前 (2005/09/17 14:17)推噓0(0推 0噓 2→)

留言2則, 1人參與討論串1/1

黃宣範先生ti伊e冊內底寫tioh伊ti1993年訪問調查Kavalan(葛瑪蘭)新社村e村民，受訪者平均年紀是52歲，伊講受訪者本身kah頂1代大部分攏e-暁講5種語言，母語、阿美語（因為通婚e關係）、台語、日語、國語．語言能力e比例是an-ne：頂1代-母語82.1% 台語82.1% 阿美語57.1% 下1代-母語85.7% 台語100% 阿美語46.1% 其中1e結論是：「台語是大環境中的共同語言，有逐漸成為家庭語言之一的趨勢（阿美語相對變做較無競爭e弱勢）」（但是伊並無提供e-暁講華語e比例？）台灣khah早有一位原住民歌星沈文程，伊攏是唱台語歌，台語ma講ka siah-siah叫，e-sai講ti早期是1位真紅e歌星．但是ui我讀國小以來（差不多是1990年以後）所tu-tioh所看tioh e原住民，互我共同e感覺是in e「華語」攏講ka眞「標準」真「好聽」（比我khah好，be輸「市內gin-a」仝款）， leh看是tsing細漢除了母語以外toh是學華語nia．看tioh頂kuan提出百分之百e數字，是我m-bat想過e狀況．但是na以歌星沈文程e年代來看（雖然我m知伊是佗1族），台語能力100%應該是真普遍e． Tsit-ma是2005年，頂kuan e數據kah「現實」已經是12冬前，台語e比例可能tioh親像阿美語減弱e情形仝款，對in來講已經失去了社會經濟面e實力loh． -- ╥───────────────────────────────────╥ ║由此去→ 【TW-language臺灣語言研究板】║ ║ 國家研究院政治, 文學, 學術 ║ ║ LanguageRes 研究 Σ語言研究院 ║ ║ TW-language 語言 ◎臺灣語言研究板 ║ ╩╤╩╤╩╤╩╤╩╤╩╤╩╤╩╤╩╤╩╤╩╤╩╤╩╤╩╤╩╤╩╤╩╤╩╤╩ -- ※ 發信站: 批踢踢實業坊(ptt.cc) ◆ From: 59.121.157.14