Re: [自由日報]台漢音英譯路並陳 外人看嘸
我有寫一篇囥佇我e Blog頂，想袂到，原來自由昨日著有按呢e報導。
我是用台音輸入法拍字e，是通用拼音，我無標調號。
台灣路名拼音，gah國際化有啥物關係？
阮兜e第四台無納錢，所以干那有無線電視通好看，我一透早扑開電視無細膩著是塊報新
聞，看著台視e新聞報講 「基隆路牌 台語拼音外人霧煞煞 拼音爭議 基市:為保留文化」
真正是有影烏白亂報。講啥物基隆市e幾條重要道路e路名，因為保留音譯e台語發音，定
定互本地儂gah外國儂攏看無。我看伊所舉e例，中正路是用通用拼音，拼做
diong-zing-lo，劉銘傳是用教會羅馬字，是拼做lau-ben-thoan。連in家己攏無統一。毋
管是按怎，若是bheh用台語做拼音，毋是講袂當，是應該ai統一較好。
毋管是啥物物件，若是無學，著袂曉，三字經毋是ma有講：「人不學，不知義」（rin
but hak，but di ghi）。恁若是無學過寫字，干那會曉講話，著是青瞑牛(cenn-me-ghu)
，拼音ma是仝款。
以前漢人來到台灣e時，攏是平埔族原住民塊dua e所在，所以若是毋知遮是啥物所在，攏
會問原住民講，這是啥物所在。比如講北投(bak-dau)，iah是講艋舺(bhang-gah)攏是原
住民e稱呼，艋舺是獨木舟(dok-bhok-ziu)。雖然漢人來遮ma有產生真濟家己e地號名，毋
閣對原住民e稱呼ma是攏保留落來。
今仔日基隆用hoklor話為標準來標音(ma zia幾個路名nia-nia)，因為毋是用華語做拼音
，著互遮e糞埽記者笑，講啥物阿啄仔連華語攏講袂好勢，哪會曉講台語，真是糞埽。因
為會記得在台協會有一個處長ma是講台語講gah真好勢。記者in想講ai會曉講華語zia會曉
講台語，根本著是笑死儂e講法。而且這gah啥物國際化有啥物關係。
華語ma無啥物法律e地位，無任何e法律規定講伊是國語，法律若是無規定，當然地方政府
想bheh按怎創，是in e權責。外國儂若是有看著地圖，對著仝款e路牌，當然ma會當揣著
bheh揣e路。若是袂曉，用這去坐計程車ma會當問司機，司機攏差不多聽有台語，聽著這
，反勢聽較有咧。
記者對台語真是有真大e歹意，攏是用華語來思考，你掠準講外國儂著一定看有用華語e拼
音啊，笑死儂毋遮按呢。
拄即看著有儂gah昨e自由時報e報導囥咧 PTT e TW-language版頂guan，
竟然連自由e標題ma是寫 台漢音英譯路並陳 外人看嘸。真正是拾角(kioh-gak)啊！
交通部竟然講啥物基隆應該是毋著e。中央只是講推sak通用拼音，ma無任何法律
規定ai用華語，而且按照道路e法規，zia e路牌是地方塊管e。
hit個網友講其實只要地圖gah路牌仔仝款著好囉，外國儂管你用啥物拼音，gah我e意見仝
款。
--
歡迎參觀inosen兮台華文部落格：
http://blog.webs-tv.net/inosen
--
※ 發信站: 批踢踢實業坊(ptt.cc)
◆ From: 220.137.236.102
※ 編輯: inosen 來自: 220.137.236.102 (05/29 20:28)
討論串 (同標題文章)
完整討論串 (本文為第 2 之 2 篇)：
TW-language 近期熱門文章
PTT職涯區 即時熱門文章
99
348