[心得] 台語文閱讀書寫ê感想

看板TW-language (臺語板)作者TWkid (台灣囡仔出頭天)時間19年前 (2005/07/15 23:32)推噓2(2推 0噓 1→)

留言3則, 2人參與討論串1/1

http://www.wretch.cc/blog/twkid&article_id=1975033 這幾工讀陳明仁ê台語文學選，收有現代詩、散文、小說。親像有儂講「若用台語來寫，真自然tio?h會寫出佮台灣有關係ê tāi chì」（當然這是針對講台語大漢ê儂），雖然即碼猶未全部讀完，tio?h感受到這句話ê道理。即碼所看著ê幾篇散文，題材攏是伊身軀邊ê人物抑是故鄉，透過伊趣味ê文筆寫落，互儂讀著足心適擱足順，而且因為語言ê關係，讀著擱加有一款講bē出ê貼心。愛有好ê文學作品，才有法度做提升做愈濟愈好ê推sak，這本冊bē bái。擱來卜講我這幾天ōan-nā讀ōan-nā寫台語文ê粗感想。閱讀ê方面，頂頭tio?h有提出小寡á，簡單講tio?h是文學ê力量真正足大，bē tàng 看伊無，尤其是即碼咱拍拚咧推sak台語ê工課，實在足重要。寫ê方面我個人感受tio?h ê「問題」tio?h較大，尤其是讀前輩作家寫--ê了後，擱家己落手寫，感受真深。主要我感覺tio?h ê問題是，親像我這輩ê囡仔，雖然我講台語講18冬才來離開家鄉到台北，m?-ku頭殼mā已經強卜變做「華語頭殼」囉。佇咧讀ê時chūn，我lóng會佇冊裡標記一寡「較純」ê佮m?捌ê詞彙。因為chía ê詞雖然咧看ê時攏看有mā其實攏捌用過，但是真正卜寫ê時，這粒「華語頭殼」有時á煞bē輪轉、想bē著tio?h寫bē出來！所以我感覺咱若卜起手來寫，加看寡好--ê、「純」--ê作品，共囥佇記持內底睏ê詞彙叫起來，成做一粒「台語頭殼」，án-ni才寫會出較好ê文章。當然新詞ê建立mā是不止á重要ê一件工課。 (貼起來ka2-na1較亂@_@) -- 【TW-language臺灣語言研究板】由此去→ 國家研究院政治, 文學, 學術 LanguageRes 研究 Σ語言研究院 TW-language 語言 ◎臺灣語言研究板 -- ※ 發信站: 批踢踢實業坊(ptt.cc) ◆ From: 220.134.18.172