[請教] 「紹介」、「kap」、「雖罔」

看板TW-language (臺語板)作者KILLER7 (七面殺手)時間15年前 (2010/12/10 11:17)推噓4(4推 0噓 4→)

留言8則, 5人參與討論串1/1

是按怎我咧讀臺文 ê論文 ê時，攏足捷看著人寫「紹介」、「kap」？「紹介」敢是臺語自早就有 ê傳統語詞？抑是日本、中國殖民者帶--來-ê？我便若聽到人咧講話 ê時，攏嘛講「介紹」較濟--啊？「kap」，我一世人攏毋捌聽--著有人會講「我 kap 你來去食飯」，攏是講「我 kah 你來去食飯」，干焦會聽人講「kap 著」，ex：「張牧師 kap 著陳牧師，作伙 tshua7 咱來祈禱。」這字「kap」是毋是有啥物代表性 ê意義？抑是講，kah 是 kap ê貧惰音？就愛寫 kap 較正式？抑閣有，「雖罔」[sui-bong2]。這嘛是我到今食甲二十幾歲，攏毋捌佇生活之中聽人講過這个語詞，但是佇臺文 ê論文內底，抑是較正式 ê臺文文件，攏定定會看--著。用「雖罔」，無愛用「雖然」，敢是有啥物特別 ê意思？予我不止仔憢疑。 - 當然我知影臺語字典內底攏有收這三个語詞，但是論文佮正式文件使用遮 ê 語詞，是毋是有啥物意思佇--咧？ -- 在我學過臺文 ê標準寫法了後，我決定自這馬開始，佇 Ptt 儘量攏用臺文來寫文章佮推文。我寫是寫我 ê，你欲回啥物話攏無要緊，若有一字半句是你看毋捌[bat]-- ê，會使佮我講，我會閣解說予你捌，抑是用北京話閣寫一擺來予你知。我所寫 ê臺文內底，佇臺羅 ê部份，因為 Ptt 頂懸無法度完全顯示臺語八音 ê調號，所以我用「聲調方便版」，也著是阿拉伯數字 235789 來表示。我所使用 ê臺文輸入法，是號作「信望愛台語客語輸入法」。 KILLER7 2010/11/14 -- ※ 發信站: 批踢踢實業坊(ptt.cc) ◆ From: 223.141.126.228

推

painttt

12/10 12:19, , 1^F

12/10 12:19, 1^F

推

CCY0927

12/10 12:35, , 2^F

12/10 12:35, 2^F

→

CCY0927

12/10 12:40, , 3^F

12/10 12:40, 3^F

我嘛是會講「kap 做伙」，但是我毋捌聽人講「我 kap 你按怎拄按怎…」，佇這个所在，用 kap，無愛用 kah，到底是有啥物意思？《臺日大辭典》ê內底，嘛有收「介紹」這个語詞。小林尚義先生咧編寫這本字典 ê時，國民黨中國猶未來到咱臺灣，所以講我嘛無確定是毋是予北仔話去影響--著。到底臺語內底，是「介紹」較大先用，抑是「紹介」確大先--咧？