Re: [心得] 台語在台北行不通

看板TW-language (臺語板)作者inosen (小王子的冒險)時間19年前 (2005/09/03 21:04)推噓5(5推 0噓 10→)

留言15則, 6人參與討論串6/7 (看更多)

我以下所寫e是用台音輸入法所寫e，是用通用寫e，我ma看有教會羅馬字，我無想卜（bheh）ham儂起冤家，所以若是對通用有意見兮，請去找hia講家己是專家兮儂。我是三重埔儂，住di三重埔三十冬，我國校是di咧三重埔讀e，hit時陣是我兮台語上好兮時陣，因為除了上課用華語外，攏是用台語gah同學講，後來到台北市讀國中，因為di咧學校時陣變長，而且di台北市同學講台語兮機會變少，我讀兮國中是di咧大稻埕，m-gu同學較(kah)罕咧講台語。以我兮觀察，台語di咧台北(三重埔gah台北市)已經變成較次要兮語言，主要講華語較濟，其中台北市當中，主要是聽無台語囉，只有一二位有儂咧講，我聽著上濟兮是北投區台灣儂較濟，而且以前是台北縣兮所在。艋舺我住四五冬，差不多攏di bheh 聽無儂deh外口講台語。三重埔ma是仝款，好參像台語di咧公共場所消失gah都市化有真大兮關係，三重埔即ma互我兮感覺gah台北市lu來lu sing 。 m-gu，即ma毋管是台北iah是台南市等攏仝款，少年兮一輩互相之間講台語兮比例是 lu來lu少。這是無deh分台北台南兮現象，因為華語是唯一有標準化，官方唯一兮教學 (除了所謂鄉土語言以外)gah大量兮書籍文字，而且囝仔文學gah卡通ma攏是華語較濟基本上，咱所謂hoklor話比起in客話起來，閣較可憐，因為，in閣有客家電視台，內底閣有客話卡通，咱hoklor話suah啥物攏無，真可憐。連啥物叮噹貓兮台語卡通即ma ma找無，只有拜六有華視兮卡通，時間ma是無好。而且逐家攏已經網路化囉，以前攏是學注音gah華語，所以朋友之間攏是用華語拍 MSN較濟，所以我發現即個台音輸入法，感覺真歡喜，因為我即ma攏會當用台語思考，我兮朋友ma講我兮台語進步真濟，因為我拍字一定愛用台語思考，所以毋驚台語兮退步，若是輸入無siann對兮音，著找無字，所以ma會當正音，而且著算講袂曉聲調ma是會當，所以是真方便。若是卜（bheh）愛台語有閣較濟儂講，著一定愛有即種輸入法，ma需要有台語卡通，gah 囝仔文學兮冊zia會當。 ※ 引述《chiu721115 (~~一隻井底之蛙~~)》之銘言： : ※ 引述《Richter78 (The Enigma)》之銘言： : : 或許可以來畫一張通行語分布圖 : : 依我個人的經驗 : : 在士林區、大同區、萬華區路邊聽到Hohlo話的機率較高 : : 中山區機率也不低 : : 中正區、大安區、文山區比較少聽到，但也不是沒有 : : 不過更重要的是看「文化地景」 : : 亦即小區域社群文化在空間上的表徵 : : 例如大家看到菜市場的景觀，應該不會懷疑Holho話講不通 : : 藉此，我幾乎可以八九不離十地猜出一個地方通什麼話 : 所以勒...學語言 : 環境是很重要的 : 學英語也是 >"< : 多多與長輩聊天 : 不會的語彙呢 : 可以查書或問長輩 : 會進步很快的 -- 【TW-language臺灣語言研究板】由此去→ 國家研究院政治, 文學, 學術 LanguageRes 研究 Σ語言研究院 TW-language 語言 ◎臺灣語言研究板台音(通用拼音)輸入法:http://abc.iis.sinica.edu.tw/main.htm -- ※ 發信站: 批踢踢實業坊(ptt.cc) ◆ From: 220.137.241.234