[社里]台語人的社會網

看板TW-language (臺語板)作者pektiong (pektiong)時間17年前 (2008/12/31 22:59)推噓3(3推 0噓 4→)

留言7則, 3人參與討論串1/2 (看更多)

(台語漢字) 逐家好，新的一年欲來--矣。新的一年愛有新的向望。前一站仔有開始試一寡新的物，希望會使有閣較濟的人相佮來為台語拍拚。（嘛向望台灣濟濟族群的族群母語攏有人出來拚）第一葩：台語人的社會網 URL：http://taigibang.ning.com/ 我定定感覺，台語人需要用『公民團體』的型式，來對政府，對社會，對媒體來出聲。按『公民』的角度，對咱的『語言權』受著壓迫來抗議。咱嘛需要一個台語人的社會性網路，來連結散佇逐所在的台語人，來發起濟濟種的活動，來晟養(tshiann5-iong2) 新的台語生活。 ning.com 是一個線頂服務的網路公司。伊予你會使真簡單利用ning.com來起造一個社會性網路(social network)。伊主要是共起造社會性網路需要的家私整合--起來。按呢咱著免開足濟精神去鬥，去煩惱遮的家私，會使共精神開佇台語生活需要的事工。佇 http://taigibang.ning.com/ 你會使針對一個事工，議題來開一個『群組』(group)招逐家相佮來拍拚。『群組』內底閣會使開『論壇』(forum)來議論。嘛會使寫筆記(note)，寫舞樂(blog)，khng3 聲音(audio) 抑是影片(video)。若有活動，嘛會使khng3 去面頂宣傳。論真講，我家己對ning.com的功能猶無完全瞭解。我tsit-ma2是有開幾的『群組』，是我這站仔有想欲關心的，欲做--的。總--是。希望逐家若有閒，撥一個工來咱台語人的社會網開一個口座，罔耍。耍了有啥物想法，遮閣來議論下一步欲／愛按怎做。 -- 教育部台灣閩南語常用語辭典 http://twblg.dict.edu.tw/tw/index.htm 台語文/中文辭典 -- ※ 發信站: 批踢踢實業坊(ptt.cc) ◆ From: 61.224.52.180